“Mayk Pompeonun sözləri riyakarlıq və ucuz təbliğatdır, bu ölkənin İranın daxili məsələlərinə aşkar müdaxiləsinin nümunədir”.
APA-nın Tehran bürosunun məlumatına görə, bunu İran Xarici İşlər Nazirliyinin sözçüsü Bəhram Qasimi ABŞ dövlət katibinin sözlərinə münasibət bildirərkən deyib.
B. Qasimi M. Pompeonun Kaliforniyada bir qrup iranlı ilə görüşündəki çıxışını pisləyərək bildirib ki, bu çıxış ABŞ-ın Hərtərəfli Birgə Fəaliyyət Planından qanunsuz çıxmasından sonra çarəsizliyinin göstəricisidir: “ABŞ bu addımı ilə öz məqsədlərinə çata bilmədi, düşünülməmiş addım atdı və dünyadan təcrid olundu”.
XİN sözçüsü qeyd edib ki, bu çıxış ABŞ-ın İranın daxili işlərinə müdaxiləsinin aşkar nümunəsidir və bu ölkənin regionda dağıdıcı siyasətinin davamıdır.
B. Qasiminin sözlərinə görə, İran xalqı heç vaxt ABŞ-ın illər öncə İranda çevriliş etdiyini və törətdiyi cinayətləri unutmayacaq.
Xatırladaq ki, M. Pompeo İranı idarə edənləri mafiya adlandırıb və onların ölkənin sərvətlərini talan etdiklərini söyləyib. O, farsca yayımlanan telekanal açdıqlarını da əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
