Portuqaliyanın paytaxtı Lissabonda yaşayış evində partlayış baş verib.
APA-nın RİA Novosti agentliyinə istinadən verdiyi xəbərə görə, hadisə nəticəsində 6 nəfər yaralanıb, onlardan ikisinin vəziyyəti ağır kimi qiymətləndirilir.
Partlayışdan dərhal sonra başlayan yanğın yanğınsöndürənlər tərəfindən söndürülüb. Hadisənin səbəbləri araşdırılır. İlkin ehtimala görə, partlayışa qaz sızması səbəb olub.