2017-ci ilin oktyabr ayında Azərbaycan İpoteka Fondunun (AİF) vəsaitləri hesabına banklar tərəfindən 18,6 mln. manat həcmində ipoteka krediti verilib.
“APA-Economics”in Azərbaycan Mərkəzi Bankına (AMB) istinadən verdiyi xəbərə görə, bu, sentyabr ayı ilə müqayisədə 8,14% və ya 1,4 mln. manat artım deməkdir. Bununla belə, bu il banklar tərəfindən 149,1 mln. manatlıq ipoteka krediti verilib.
Cari ilin oktyabr ayında dövlət büdcəsindən AİF-ə 4,6 mln. manat həcmində vəsait ayrılıb.
Bu ilin oktyabrında AİF 14,4 mln. manat məbləğində krediti təkrar maliyyələşdirib.
Oktyabrda Bakı Fond Birjasında 25 mln. manatlıq AİF istiqrazları yerləşdirilib.
AİF-in ipoteka portfeli üzrə göstəricilərə gəlincə, bu il noyabrın 1-nə müvəkkil kredit təşkilatları tərəfindən verilən kreditlərin orta məbləği 43 915,1 manat, orta müddəti 281 ay, orta faiz dərəcəsi 6,64%, aylıq ödəniş isə 313,5 manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
