Bakı. Musa Əhmədov - APA-Economics. Azərbaycan Mərkəzi Bankı Maliyyə Hesabatının Beynəlxalq Standartlarına (MHBS) uyğun hazırlanmış maliyyə hesabatlarının auditinin keçirilməsi üçün audit xidmətlərinin satınalınması məqsədi ilə tender elan edib.
“APA-Economics”in məlumatına görə, tender 2016, 2017 və 2018-ci maliyyə hesabatlarının illik auditinin Beynəlxalq Audit Standartlarına uyğun keçirilməsi məqsədini daşıyır.
İddiaçılar tenderdə iştirak haqqı kimi Mərkəzi Bankın hesabına 200 manat məbləğində vəsait köçürməlidir.
Tender proseduru bu ilin aprelin 12-də Mərkəzi Bankın inzibati binasında keçiriləcək.
Tenderin nəticəsi Azərbaycan prezidenti tərəfindən təsdiq edildikdən sonra tenderin qalibi elan ediləcək.
Qeyd edək ki, audit iki ay müddətində aparılmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
