Bakı. Şəhriyar Əlizadə - APA. Daxili İşlər Nazirliyi Xaçmazda baş vermiş hadisə ilə bağlı məlumat yayıb.
APA-nın nazirliyin saytına istinadən verdiyi məlumata görə, sentyabrın 29-da əsən güclü küləkdən Xaçmaz rayonunun Hacıəhməd-oba kəndində şəhər sakini Rasim Qasımovun idarə etdiyi “Moskviç” markalı avtomobilin üzərinə ağac qırılaraq düşüb. Nəticədə avtomobildə olan sərnişin Aslan Mahmudov hadisə yerində ölüb, sürücü isə xəstəxanaya yerləşdirilib.