Bakı. Türbət Bağırova-APA. Misir Ərəb Respublikasının Azərbaycandakı Səfirliyinin Mədəniyyət və Təhsil Əlaqələri Mərkəzində Beynəlxalq Frankofoniya – fransızdilli ölkələrin əməkdaşlıq təşkilatına həsr olunmuş tədbir keçirilib.
Misir Mədəniyyət Mərkəzindən APA-ya bildirilib ki, Misirin Azərbaycandakı səfiri Suzan Cəmil Frankfoniya təşkilatı haqqında geniş məlumat verib. O qeyd edib ki, Frankfoniya Beynəlxalq Təşkilatının əsası 1970-ci ildə qoyulub, 1992-1996-cı illərdə BMT-nin baş katibi olmuş Butros Butros Qali Frankfoniya təşkilatının ilk rəhbəri olub. Əsas mərkəzi Parisdə yerləşən təşkilatın üzvlərinin ümumi sayı 56 ölkədən ibarətdir və 1986-cı ildən etibarən mütəmadi şəkildə müxtəlif ölkələrdə təşkilat böyük sammitlər keçirib.
Daha sonra tədbirdə məşhur misirli rejissor Yusif Şahinin müəllifi olduğu “El Masr” (Tale) adlı filmin nümayişi olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
