Bakı. Yeganə Laçınzadə - APA-Economics. "Eurobank" aktivlərinin böyük bir hissəsinin hərraca çıxarılaraq satılması ilə bağlı yayılan informasiyaya münasibət bildirib.
Bankın Müşahidə Şurasından "APA-Economics"ə daxil olan məlumatda deyilir ki, "Eurobank" ASC və Azərbaycan Mərkəzi Bankı arasında məhkəmə prosesi tam yekunlaşmayıb: "Proses yekunlaşandan sonra aktivlərin qiymətləndirilməsi baş tuta və digər müvafiq addımlar atıla bilər. Lakin hazırda məhkəmə prosesi davam edir və aktivlərin hərraca çıxarılaraq satılması gündəmdə deyil".
Xatırladaq ki, ötən gün "Azerbaijan İnternational Consultinq Company" MMC-nin direktoru Natiq Yusifoğlu "APA-Economics"ə bildirib ki, "Azərbaycan Kredit Bankı" və “Eurobank”ın aktivlərinin hamısı açıq hərraca çıxarılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
