Dünən axşam saatlarında Bakı şəhərində iki piyada vurma hadisəsi qeydə alınıb.
APA-nın verdiyi xəbərə görə, Bakının Xətai rayonunda, Neapol dairəsi yaxınlığında 1990-cı il təvəllüdlü Səfərov Vüqar Mirxan oğlunu avtomobil vurub. O, kəllə-beyin travması və bud sümüyünün sınığı xəsarətləri ilə Bakı şəhər 3 saylı xəstəxanasına çatdırılıb.
Daha bir piyada vurma hadisəsi isə Bakının Nizami rayonu, Şərifli küçəsində baş verib. Belə ki, 1968-ci il təvəllüdlü Cəfərova Nüşabə Akif qızını maşın vurub. C. Nüşabə müxtəlif dərəcəli bədən xəsarətləri ilə Bakı şəhər 3 saylı xəstəxanaya yerləşdirilib.
Hadisələri törədən şəxslər polis tərəfindən saxlanılıb.
Hər iki faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
