Bakı. Musa Əhmədov - APA-Economics. Azərbaycan Dövlət Neft Fondu (ARDNF) Azəri-Çıraq-Günəşli (AÇQ) yataqlar bloku və “Şahdəniz” qaz kondensat yatağından bu il əldə edilən gəlirlərini açıqlayıb.
ARDNF-dən “APA-Economics”ə verilən məlumata görə, bu ilin yanvar-noyabr aylarında AÇQ yataqları üzrə fond 6 258 mln. ABŞ dolları, “Şahdəniz” yatağı üzrə isə 302 mln. ABŞ dolları həcmində gəlir əldə edib.
2014-cü ilin 11 ayı ilə müqayisədə bu il ərzində ARDNF-nin gəlirləri AÇQ yataqları üzrə 2,33 dəfə, “Şahdəniz” yatağı üzrə isə 38,49% azalıb.
Ümumiyyətlə, 2001-ci ildən etibarən AÇQ yataqlar bloku üzrə 122 265 mln. dollar, “Şahdəniz” yatağı üzrə isə 2 701 mln. dollar həcmində gəlir əldə olunub.