Bu gün Bakı şəhəri, Xətai rayonunda 2 ha sahədə quru ot və məişət tullantıları yanıb.
APA-nın Fövqəladə Hallar Nazirliyinin saytına istinadən verdiyi məlumata görə, yaxınlıqdakı evlər yanğından mühafizə olunub.
Yanğın saat 11:30-da yanğınsöndürənlər tərəfindən söndürülüb.
***
saat 11.25
Bu gün Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə, Bakı şəhəri, Xətai rayonunda boş ərazidə quru ot və məişət tullantılarının yanması haqqında məlumat daxil olub.
APA-nın FHN-nin saytına istinadən verdiyi məlumata görə, dərhal FHN-nin DYMX-nin yanğınsöndürmə bölmələri əraziyə cəlb olunub.
Hazırda yanğının söndürülməsi istiqamətində işlər davam etdirilir.