İstanbul. Mayis Əlizadə - APA. “Qalatasaray” klubunun fövqəladə qurultayı keçirilir.
APA-nın qurultayı işıqlandıran Türkiyə müxbiri xəbər verir ki, qurultayda yeni başqan seçiləcək.
Başqanlığa namizədlər Duyğun Yarsuvat və Alp Yalman səsvermədən əvvəl müşahidəçilərini təyin ediblər.
Artıq səsverməyə start verilib. Səsvermə yerli vaxtla saat 15.00-da başa çatacaq.
Qeyd edək ki, hazırkı başqan Ünal Aysal “Qalatasaray” başqanlığından vaxtından əvvəl istefa verdiyini açıqlayıb.
Başqanlığa namizədlərdən Alp Yalman 1990-96-cı illərdə “Qalatasaray”ın başqanı olub.
Digər namizəd Duyğun Yarsuvat isə “Qalatasaray” Universitetinin qurucu rektorudur.
Türkiyənin tanınmış hüquqşünaslarından olan professor D. Yarsuvat söz və ifadə azadlığı ilə bağlı məhkəmə proseslərində vəkillik də edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
