Bakı. Ramiz Mikayıloğlu - APA. Bu həftə Məclisə keçiriləcək seçkilərlə əlaqədar məntəqə seçki komissiyaları tərəfindən seçicilərin tanış olması və əlavə dəqiqləşdirmələr aparılması üçün seçici siyahılarının təqdim edilməsi üçün ayrılan müddət başa çatır.
APA-nın məlumatına görə, Seçki Məcəlləsinə əsasən məntəqə seçki komissiyası seçicilərin tanış olması və əlavə dəqiqləşdirmələr aparılması üçün seçici siyahılarını seçicilərə bu barədə məlumat verməklə səsvermə gününə azı 35 gün qalmış təqdim edir və bunun üçün müvafiq şərait yaradır.
Seçici siyahıları səsvermə otağından kənarda, seçicilərin yaxşı görə biləcəyi və gediş-gəliş üçün asan olan yerlərdə məlumat lövhələrində yerləşdirilməlidir. Milli Məclisə seçkilərlə əlaqədar məntəqə seçki komissiyaları sentyabrın 27-dək seçicilərin tanış olması və əlavə dəqiqləşdirmələr aparılması üçün seçici siyahılarını təqdim etməlidir. Mərkəzi Seçki Komissiyası tərəfindən müəyyən edilən qaydada təsdiq edildikdən sonra Seçici siyahılarının Mərkəzi Seçki Komissiyasının internet saytında yerləşdirilməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
