Bakı - APA. Ermənistanın paytaxtı İrəvanda 10 nəfərin öldürülməsi ilə nəticələnən etiraz aksiyasından 8 il keçir.
APA-nın məlumatına görə, 2008-ci ilin fevralın 19-da keçirilmiş prezident seçkilərinin saxtalaşdırıldığını bildirən müxalifət fevralın 21-dən paytaxtda etiraz aksiyalarına başlayıb. Aksiyalara Ermənistanın ilk prezidenti və prezidentliyə namizəd Levon Ter-Petrosyan başçılıq edib.
Martın 1-də hüquq-mühafizə orqanları mitinqçilərin qurduğu çadır şəhərciyini dağıdıb. Aktiv mitinqçilərin kütləvi həbsi başlayıb. Toqquşma zamanı 8 nümayişçi öldürülüb. Hadisələrdə 2 polis əməkdaşının da öldüyü bildirilir. Ermənistanda 20 günlük fövqəladə vəziyyət elan olunub.
Xatırladaq ki, həmin seçkilərdə Ermənistanın indiki prezidenti Sej Sarkisyanın qalib gəldiyi açıqlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
