Bakı. Şəhriyar Əlizadə -APA. Bakı Apellyasisya Məhkəməsində dələduzluqda təqsirləndirilən Mətləb Nağıyevin apellyasiya şikayəti üzrə məhkəmə prosesi başlayıb.
APA-nın məlumatına görə, ilkin baxış iclasında təqsirləndirilən şəxsin anket məlumatları dəqiqləşdirilib. Məhkəmənin baxış iclası iyunun 6-na təyin edilib.
Bakı Ağır Cinayətlər Məhkəməsinin hökmü ilə M.Nağıyev 7 il 6 ay müddətə azadlıqdan məhrum edilib. Lakin o, hökmdən narazı qalaraq cəzasının azaldılması barədə apellyasiya şikayəti verib.
Qeyd edək ki, M.Nağıyev ötən il dələduzluqda təqsirli bilinərək saxlanılıb. O, Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunub.