Şəki. Vüqar Heydərov-APA. Şəkidə çaydan əl qumbarası tapılıb.
Hüquq-mühafizə orqanlarından APA-nın Şəki-Zaqatala bürosuna verilən məlumata görə, fevralın 24-ü, axşam saat 17 radələrində adı açıqlanmayan vətəndaş Şəki şəhəri ərazisindən axan Qurcana çayında əl qumbarası olması barədə ərazidəki polis əməkdaşına məlumat verib.
Məlumat əsasında hadisə yerinə cəlb edilmiş hüquq-mühafizə orqan əməkdaşları çaydan bir ədəd “RQD-5” əl qumbarası götürüblər.
Hazırda Şəki Şəhər-Rayon Polis Şöbəsinin əməkdaşları qumbaranın çayın ərazisinə hardan və kim tərəfindən atılmasını araşdırır.
Qeyd edək ki, RQD-5 qəlpələnən əl qumbarası əsasən hücum döyüşlərində tətbiq edilir
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
