Bakı. Fərahim Qasımov-APA. Abşeron polisi Masazır qəsəbəsində üzərində narkotik maddə olan iki şübhəli şəxsi saxlayıb. APA-nın məlumatına görə, Fazil Hüseynovu Abşeron Rayon Polis İdarəsinin əməkdaşları Masazır qəsəbəsində özünü şübhəli apardığı üçün saxlayıb. Polis əməkdaşları onun üzərinə baxış keçirən zaman bir kibrit qutusu narkotik vasitə olan marixuana aşkarlayıblar. Dindirilmə zamanı F.Hüseynov bildirib ki, bir neçə ildir ki, narkotik vasitə qəbul edir. Marixuananı isə, tanımadığı şəxsdən alıb: "İstifadə etmək üçün əldə etmişəm. Az vaxt olar ki, narkotik maddə qəbul edirəm. Satmağı planlaşdırmamışam. Əməlimdən də peşmanam".
Sumqayıt şəhər sakini Habil Həsənovu da Abşeron polisi Masazır qəsəbəsində saxlayıb. Onun üzərindən isə narkotik maddə olan heroin aşkarlanıb. Polisə ifadəsi zamanı o narkotik maddəni şəxsi istifadə üçün aldığı bildirib.
Hər iki faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
