Bakı - APA. "Taliban" qruplaşmasının 3 üzvü Əfqanıstanın şimal-şərqində yerləşən Tahar əyaləti ərazisində məhv edilib.
APA-nın “RİA Novosti” agentliyinə istinadən verdiyi xəbərə görə, bu barədə əyalət qubernatorunun mətbuat katibi Sanatulla Temor məlumat verib. O bildirib ki, qruplaşma rəhbərlərindən biri də daxil olmaqla, 6 terrorçu yaralanıb. Toqquşmalar zamanı əfqan polisinin azı 4 əməkdaşı xəsarət alıb.
Qeyd edək ki, son vaxtlar Əfqanıstanda vəziyyət pisləşib. Ölkənin əsasən kənd yerlərində güclü olan terror qruplaşması artıq iri şəhərlərdə mövqelərini gücləndirmək üçün hücuma keçib. Sentyabrın sonunda "Taliban" döyüşçüləri 300 min sakini olan Kunduz şəhərini tutublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
