Bakı. Yeganə Laçınzadə - APA-Economics. “Kapital Bank” korporativ sosial məsuliyyət layihələrindən daha birini həyata keçirib.
Bankdan “APA-Ecoomics”ə verilən xəbərə görə, bu dəfə bankın əməkdaşları talassemiya xəstəliyindən əziyyət çəkən uşaqlar üçün qanvermə aksiyasında iştirak ediblər.
Azərbaycan Talassemiya Federasiyası İctimai Birliyi ilə birgə təşkil olunan aksiyaya bankın baş ofisindən 100-ə yaxın əməkdaşı qatılıb. “Bu aksiyalar mütəmadi olaraq həyata keçirilir. Körpələrimizin sağlam gələcəyi naminə belə sosial tədbirlərin keçirilməsini vacib hesab edirik. Talassemiyalı körpələrin qana olan ehtiyaclarını ödəmək
üçün aksiyanın gələcəkdə də keçirilməsi nəzərdə tutulur”, - deyə “Kapital Bank”ın şöbə rəisi Günel Fərzəliyeva bildirib.
Azərbaycanda ən geniş filial şəbəkəsinə malik “Kapital Bank” ötən illərdə olduğu kimi, bu il də öz ənənəsinə sadiq qalıb. “Kapital Bank” ailəsi gələcəyimiz olan körpələri yaddan çıxarmamağa, hər kəsi belə xeyirxah aksiyaya qoşulmağa və uşaqlara yardım etməyə çağırır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
