Bakı. Türbət Bağırova - APA. Suriya müxalifəti 2 həftə ərzində müvəqqəti atəşkəs rejiminə əməl etməyə hazır olduğunu bildirib.
APA-nın “RİA Novosti” agentliyinə istinadən verdiyi xəbərə görə, bu barədə Suriya müxalifətinin təmsilçisi - Müzakirələr üzrə Ali Komitənin bəyanatında deyilir. “Hesab edirin ki, atəşkəsin iki həftəlik dayandırılması qarşı tərəfə öz öhdəliklərinin məsuliyyətini dərk etmək üçün imkan verəcək”, - deyə bəyanatda bildirilir.
Qeyd edək ki, ABŞ və Rusiya Federasiyası arasında imzalanan razılaşmaya əsasən fevralın 27-dən Suriyada hökumət qüvvələri və müxalifətin silahlı qrupları arasında atəşkəs qüvvəyə minməlidir. Lakin İŞİD və "Ən Nusra Cəbhəsi"nə qarşı hücumlar davam etdiriləcək.