Bakı. Fərid Mirzəyev - APA. “Ödəniş haqlarının artırılması məsələsi ali təhsil müəssisələrinin səlahiyyətindədir. Əvvəlki illərdə ali məktəblərə daxil olub ödənişli təhsil alan tələbələrin təhsil haqları əvvəlki qaydada saxlanılacaq”. APA-nın xəbərinə görə, bunu Təhsil Nazirliyinin Aparat rəhbərinin müavini Yaqub Piriyev bu gün keçirilən mətbuat konfransında deyib.
O qeyd edib ki, Tələbə Qəbulu üzrə Dövlət Komissiyası (TQDK) tərəfindən 2016-cı ilin mart ayında qəbul planı formalaşacaq: “Həmin vaxt ali məktəblər Təhsil Nazirliyinə öz təkliflərini verəcək və bu analiz olunacaq. Təhsil Nazirliyi olaraq təhsil haqlarının artırılmasına 2016-cı ilin mart ayında qayıdacağıq”.