Bakı. Türbət Bağırova - APA. “Son illərdə Azərbaycanın NATO əməliyyatlarında iştirakından, habelə hərbi sahədə və daha geniş miqyasda əməkdaşlıqdan məmnunuq. Bu əməkdaşlığı genişləndirməyi planlaşdırırıq”.
APA-nın xəbərinə görə, bunu NATO baş ofisinin siyasi məsələlər və təhlükəsizlik şöbəsinin əməkdaşı Steffen Elgersman deyib.
O qeyd edib ki, NATO-nun Varşava sammitində alyansın şərq və cənub sərhədlərindəki məsələlər və çağırışlar müzakirə ediləcək.
“Əfqanıstan məsələsi ilə bağlı sammitimiz olacaq. Ümid edirəm ki, Əfqanıstandakı sülhməramlı əməliyyatlara kömək edən ölkələr, o cümlədən Azərbaycan bu müzakirələrin bir parçası olacaq”, - deyə S. Elgersman bildirib.