Pakistanın Lahor şəhərində baş verən güclü partlayış nəticəsində ölənlərin sayı 13-ə çatıb, 83 nəfər xəsarət alıb.
APA-nın Reuters agentliyinə istinadən verdiyi məlumata görə, polis insidenti terror aktı kimi qiymətləndirib.
Hücuma görə məsuliyyəti "Taliban" hərəkatının Pakistan qolu ilə əlaqəli "Camaat-ul-Əhrar" qruplaşması öz üzərinə götürüb.
***
18:19
Pakistanın Lahor şəhərində güclü partlayış baş verib.
APA-nın “Assosiated Press”ə istinadən verdiyi məlumata görə, etiraz aksiyası zamanı baş vermiş partlayış nəticəsində 7 nəfər ölüb, 40 nəfər yaralanıb.
Yerli hüquq-mühafizə orqanlarının məlumatına görə, üzərində partlayıcı qurğu olan şəxs motosikletini etirazçıların üzərinə sürüb. Aksiya iştirakçıları hökumətin dərman satışına dair qanunvericiliyə etdiyi dəyişikliklərə etiraz ediblər.