Rusiyanın Kalininqrad vilayətində ağır yol qəzası baş verib.
APA-nın “Gazeta.ru”-ya istinadən verdiyi xəbərə görə, qəza Kalininqrad-Qusev yolunda qeydə alınıb.
Mikroavtobusla minik avtomobilinin toqquşması nəticəsində 9 nəfər ölüb, azı 5 nəfər xəsarət alıb.
İlkin məlumata görə, hadisəyə “Mercedes” markalı minik avtomobilinin idarəetməni itirərək qarşı zolağa çıxması səbəb olub. Faktla bağlı araşdırma aparılır.