Azərbaycan Dövlət Filarmoniyasında görkəmli dirijor, maestro Niyazinin xatirəsinə həsr olunmuş “Həyat musiqidir” adlı konsert proqramı keçirilib. APA-nın məlumatına görə, “Mədəniyyət” kanalının təşkilatçılığı, Mədəniyyət və Turizm Nazirliyinin dəstəyi ilə baş tutan konsertdə ifaçıları Azərbaycan Televiziyası və Radiosunun Niyazi adına Simfonik Orkestri müşayiət edib. Proqram boyu əməkdar artist Gülnaz İsmayılovanın ifasında həm Qərbi Avropa, həm də Azərbaycan bəstəkarlarının əsərləri səslənib.
Gecədə Azərbaycan musiqi ictimaiyyətinin görkəmli nümayəndələri - Ü.Hacıbəyli adına Bakı Musiqi Akademiyasının rektoru Fərhad Bədəlbəyli, Azərbaycan Bəstəkarlar İttifaqının sədri Firəngiz Əlizadə, Azərbaycan Milli Konservatoriyasının rektoru Siyavuş Kərimi, əməkdar incəsənət xadimi Telman Hacıyev, xalq artisti Yusif Axundzadə və başqaları iştirak edib.
Qeyd edək ki, konsertin informasiya dəstəyi “APA Holding”ə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
