Azərbaycan Mərkəzi Seçki Komissiyasının (MSK) nümayəndələri Gürcüstanda yerli idarəetmə orqanlarına keçirilən seçkiləri müşahidə edir.
APA-nın yerli bürosunun məlumatına əsasən, MSK-nın katibi Mikayıl Rəhimov və katiblik rəhbərinin müavini Həsən Kazımzadə Tbilisi şəhərində yerləşən üç seçki məntəqəsində səsvermə prosesini izləyiblər.
M.Rəhimov seçki prosesinin sakit şəraitdə keçdiyini deyib: “Səsvermə prosesi zamanı heç bir qanun pozuntusu qeydə alınmayıb. Seçicilər səsvermədə həvəslə iştirak edirlər”.
Onun sözlərinə görə, müşahidələrin nəticələri Gürcüstan MSK-da müzakirə olunacaq: “Axşam saat 23.00-da müşahidələrimizlə bağlı rəyimiz Gürcüstanın Mərkəzi Seçi Komissiyasına təqdim olunacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
