Çempionlar Liqasının qrup mərhələsinin V turunun ilk oyun günü 1/8 finalın daha 5 iştirakçısının adına aydınlıq gətirib. Apasport.az saytının məlumatına görə, artıq qrupdan çıxdığı rəsmiləşən klubların sayı 10-a çatıb.
E qrupunda “Monako” (Fransa) və “Bayer” (Almaniya) 1/8 finala yüksəlib. Fransa təmsilçisi 1-ci, almaniyalılar 2-ci yeri də təmin edib.
F qrupunda “Real” (İspaniya) növbəti mərhələ vəzifəsini həll edib. “Borussiya” (D, Almaniya) bunu ötən tur rəsmiləşdirdiyindən E qrupunda olduğu kimi son tur daha çox Avropa Liqasına vəsiqə baxımından zəruridi. Lakin bu qrupda 1-ci yerin taleyi də son matçda məlum olacaq.
F qrupunda “Lester” (İngiltərə) həm mərhələni keçdiyini, həm də 1-ci yeri təmin edib. H qrupunda isə “Yuventus” (İtaliya) 1/8 finala yüksəlib.
Qeyd edək ki, IV turdan sonra A qrupunda “Arsenal” (İngiltərə) və PSJ (Fransa), D qrupunda “Atletiko” (İspaniya) ilə “Bavariya” (Almaniya), həmçinin F qrupunda çıxış edən “Borussiya” adını 1/8 finala yazdırmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
