Ukraynanın Odessa şəhərində uşaq istirahət düşərgəsində baş verən yanğın nəticəsində 3 uşaq ölüb.
APA-nın xəbərinə görə, bu barədə Ukrayna Milli polisinin nümayəndəsi Ruslan Forostyak bildirib.
“İlkin məlumata görə, yanğın nəticəsində 3 uşaq ölüb”, R.Forostyak yazıb.
Bundan əvvəl 1 uşağın öldüyü, 3-ün xəsarət aldığı, daha 3-ün isə itkin düşdüyü bildirilirdi.
“Viktoriya” istirahət düşərgəsində güclü yanğın sentyabrın 16-a keçən gecə baş verib. Yanğın baş verən zaman düşərgədə ümumilikdə 150 uşaq olub. Hazırda yanğın tamamilə söndürülüb. İlkin ehtimala görə, yanğına qısa qapanma səbəb olub.
***
04:53
Ukraynanın Odessa şəhərində “Viktoriya” uşaq istirahət düşərgəsində baş verən yanğın nəticəsində 1 uşaq ölüb, 3-ü itkin düşüb.
APA-nın məlumatına görə, bu barədə yerli “dumskaya.net” saytı xəbər verib.
Məlumata əsasən, hazırda yanğın tamamilə söndürülüb. İlkin ehtimala görə, yanğına qısa qapanma səbəb olub.
***
03:49
Ukraynanın Odessa şəhərində “Viktoriya” uşaq istirahət düşərgəsində güclü yanğın baş verib.
APA-nın UNİAN-a istinadən verdiyi xəbərə görə, hadisə yerli vaxtla saat 23:30-da, uşaqlar yatan zaman baş verib.
Hazırda 1 000 kvadrat metr sahəni əhatə edən yanğının lokallaşdırıldığı bildirilir. Yanğın baş verən anda düşərgədə 150 uşaq olub, onların dərhal təxliyə olunduğu bildirilir.
Özlərini pəncərədən yerə atan 3 uşaq xəstəxanaya çatdırılıb. Onlardan biri yıxılarkən xəsarət alıb, ikisi tüstüdən zəhərlənib. Yanğının səbəbləri barədə hələ ki, məlumat verilmir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
