Bu gün Bakı Ağır Cinayətlər Məhkəməsində oğurluqda təqsirləndirilən Rauf Nəbiyevin cinayət işi üzrə məhkəmə prosesi başa çatıb.
ONA-nın xəbərinə görə, hakim Azər Paşayevin sədrliyi ilə keçirilən prosesdə hökm oxunub. Hökmə əsasən, R. Nəbiyev 5 il müddətinə azadlıqdan məhrum edilib.
Qeyd edək ki, ötən il Sumqayıt şəhəri ərazisində yerləşən "Sumqayıt Texnologiyalar Parkı" MMC-nin mühasib otağından 450 min manat oğurlanıb. Hadisəni Sumqayıt şəhər sakini R.Nəbiyevin törətməsi müəyyənləşib və o, görülən zəruri tədbirlər nəticəsində saxlanılıb.
Saxlanılan şəxs MMC-də təhlükəsizlik üzrə növbə rəisi işləyib. R. Nəbiyevin seyfdən oğurladığı pulun əksər hissəsi onun yaşadığı evdən aşkar olunaraq maddi sübut kimi götürülüb və müvafiq protokol tərtib edilərək MMC-yə qaytarılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
