Meksikada zəlzələ nəticəsində ölənlərin sayı 325 nəfərə çatıb.
APA-nın “İnterfaks” agentliyinə istinadən verdiyi xəbərə görə, ən çox – 186 ölüm halı Mexiko şəhərində qeydə alınıb.
Paytaxtda həmçinin 38 bina tamamilə dağılıb, yüzlərlə yaşayış evi qəzalı vəziyyətə düşüb. Hazırda Mexikoda yerləşən 9 min məktəbdən yalnız 100-ə yaxını fəaliyyət göstərir. Zəlzələ nəticəsində ölənlərdən 20-si dağıntılar altında qalan məktəblilər olub. Təbii fəlakət həmçinin Oaxaka, Puebla, Qerrero, Mexiko və Morelos ştatlarında da qurbanlara səbəb olub.
Xatırladaq ki, sentyabrın 19-da Meksikada 7,1 bal gücündə zəlzələ olub. Yeraltı təkanların episentri ölkənin cənubunda yerləşib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
