Bakı. Hafiz Heydərov – APA. Masallıda ölümlə nəticələnən yol qəzası baş verib.
APA-nın Daxili İşlər Nazirliyinin saytına istinadən verdiyi məlumata görə, avqustun 20-də saat 12 radələrində Masallı rayonunun Ərkivan qəsəbəsində rayon sakini Rüfət Məmmədov idarə etdiyi “VAZ-2107” markalı avtomobillə yolu velosipeddə keçən şəhər sakini Həyat Məmmədovu vurub. Nəticədə H.Məmmədov xəstəxanaya yerləşdirilib və orada dünyasını dəyişib.
Faktla bağlı Masallı Rayon Polis Şöbəsi tərəfindən araşdırma aparılır.