Bakı. Yeganə Laçınzadə - APA-Economics. “Paşa Bank”ın aktivlərinin həcmi 2015-ci ilin I rübünə 1 mlrd. 381,665 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 45,44% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 68,19% artaraq 614,330 mln. manat olub.
Bankın depozit portfeli hesabat dövrü ərzində 72,5% artaraq 694,416 mln. manata, əhalinin əmanətlərinin həcmi isə 198,045 mln. manata bərabər olub ki, bu da illik müqayisədə təxminən 11,4% azdır.
Bir il ərzində bankın məcmu kapitalı 38,96% artaraq 335,748 mln. manata çatdığı halda, nizamnamə kapitalı 46,1% artaraq 333 mln. manat təşkil edib.
Bank 2015-ci ilin I rübünü 9,279 mln. manatlıq zərərlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
