Bakı. Vahab Rzayev – APA-ECONOMICS. Fevralın 22-də Amerika fond bazarında Dow Jones indeksi 0,9% - 14 001 bəndədək, S&P 500 0,9% - 1 516 bəndədək, Nasdaq 1,0% - 3 162 bəndədək yüksəlib. «APA-ECONOMICS»in məlumatına görə, ABŞ fond bazarında kotirovkaların yüksəlməsinə Almaniya üzrə müsbət makroiqtisadi göstəricilər və korporativ xəbərlər təsir edib.
Avropa fond bazarlarında fevralın 22-də FTSE 100 indeksi 0,7% - 6 336 bəndədək, Almaniya DAX-ı 1,0% - 7 662 bəndədək, Fransa CAC-40-ı 2,3% - 3 706 bəndədək yüksəlib.
COMEX-də qızılın bir unsiyasının qiyməti 0,1% artaraq 1 583,9 dollara bərabər olub.
Dünya bazarında avronun dollara qarşı məzənnəsi 1,3202 (-0,1%) dollar təşkil edir.