Sosial

Ana səhifə

Sosial

“Şahdəniz” yatağında sualtı seysmik stansiyanın quraşdırılması barədə qərar dəyişdirilib

19 iyun 2012 13:52 (UTC +04:00)

Bakı. Kəmalə Quliyeva – APA. Xəzərin Azərbaycan sektorunda sualtı seysmik stansiyaların quraşdırılacağı neft yataqlarından biri dəyişdirilib. Bu barədə APA-ya Azərbaycan Milli Elmlər Akademiyasının (AMEA) Respublika Seysmoloji Xidmət Mərkəzinin baş direktoru Qurban Yetirmişli bildirib. Onun sözlərinə görə, seysmik stansiyaların öncə “Ümid”, “Sahdəniz” və “Günəşli” yataqlarında quraşdırılacağı nəzərdə tutulsa da, “Şahdəniz” yatağı “Bahar”la əvəzlənib: “Çünki “Şahdəniz” bp-nin, “Bahar” ARDNŞ-indir. bp ilə platformalara çıxmaqla əlaqədar böyük problemlər var. Ona görə də seysmik sualtı stansiyanın quraşdırılması üçün “Bahar” daha münasib bilindi”.

Q. Yetirmişli deyib ki, sualtı seysmik stansiyaların bu ilin sentyabrına qədər quraşdırılması nəzərdə tutulur.