Rusiyanın Kuban şəhərində ağır yol-nəqliyyat hadisəsi baş verib.
APA-nın “Vesti.ru”-a istinadən verdiyi xəbərə görə, sərnişin avtobusunun yük maşını ilə toqquşması nəticəsində avtobusun sürücüsü və daha iki sərnişin yerindəcə ölüb. Daha üç sərnişin isə xəstəxanaya aparılarkən yolda dünyasını dəyişib.
Sərnişinlərdən 10-u xəsarət alıb. Xəstəxanaya yerləşdirilən yaralıların vəziyyəti ağır qiymətləndirilir. 20 nəfərə isə hadisə yerində ilkin tibbi yardım göstərilib.
Deyilənə görə, qəzaya səbəb avtobus sürücüsünün rol arxasında yatması olub.
Bildirilir ki, avtobus Abxaziya-Nijni Novqorod istiqamətində hərəkət edirmiş.
Faktla bağlı cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
