Ankara ABŞ-ın “F-35” tipli yeni nəsil qırıcı təyyarələrini Türkiyəyə tədarük etməkdən imtina edəcəyi təqdirdə beynəlxalq arbitraja müraciət edəcək.
APA-nın xəbərinə görə, bu barədə “Haberturk” nəşri məlumat yayıb.
“İndidə nədənsə bizi hədələməyə başlayıblar. Orada nə baş verib ki, onlar “F-35”ləri tədarük edə bilməyəcəklər? Verməyəcəksinizsə, biz beynəlxalq arbitraja müraciət edəcəyik... Əgər iş o yerə çatacaqsa, bunun alternativləri də var”, - deyə Türkiyə lideri qeyd edib.
Qeyd edək ki, ABŞ Konqresi Türkiyənin Rusiyadan S-400 zenit-raket kompleksləri satın almaq istəməsinə görə, Türkiyə Hərbi Hava Qüvvələri üçün nəzərdə tutulmuş 5-ci nəsil yeni “F-35” hərbi təyyarələrinin bu ölkəyə göndərilməsinə qadağa qoyan müddəanı hərbi büdcə barədə qanun layihəsinə daxil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
