Bir çox inkişaf etməkdə olan ölkələr ədalətsiz maliyyə qiymətləndirmələri səbəbindən daha yüksək faizlərlə borc alır.
"APA-Economics" xəbər verir ki, bunu BMT-nin Dayanıqlı İnkişafın Maliyyələşdirilməsi üzrə Xüsusi Elçisi Mahmud Muhyiddin Bakıda keçirilən İslam İnkişaf Bankının İllik Toplantıları çərçivəsində “8-ci Dayanıqlı İnkişaf Məqsədləri Dialoqu: Dayanıqlı inkişaf üçün innovativ maliyyələşmə – yardım və ənənəvi Rəsmi İnkişaf Yardımının (ODA) hüdudlarından kənarda” mövzusunda təşkil olunan sessiyada bildirib.
Onun sözlərinə görə, bu səbəbdən borc problemi də ciddi məsələlərdən biridir:
"Afrika ölkələrinin real defolt riski 3.5%-dən az olduğu halda, onlardan 13–14% və daha yüksək faizlər tələb olunur.
Bu, sistemdə yanlış qiymətləndirməni göstərir və borc yığılmasının əsas səbəblərindən biridir. İnfrastruktur maliyyəsində isə xarici maliyyələşmə hələ də dominantdır, özəl sektorun payı isə cəmi 11%-dir. Bu vəziyyət dəyişməlidir" - deyə o qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
