Sənaye və energetika

Ana səhifə

Ankarada keçiriləcək «TUROGE-2009» neft-qaz konfransı bölgədə həyata keçirilən layihələrin effekti və persktivləri müzakirə olunacaq

25 fevral 2009 12:50 (UTC +04:00)

Bakı. Rəşad Süleymanov – APA-Economics. Martın 11-12-də Ankarada VIII Türkiyə Beynəlxalq Neft və Qaz Konfransı (TUROGE-2009) keçiriləcək. Tədbirdə Azərbaycan nümayəndə heyətinin də iştirakı gözlənilir. Bu barədə «APA-Economics»ə konfransın təşkilat komitəsindən məlumat verilib.
Türkiyənin Enerji və Təbii Qaynaqlar Nazirliyinin egidası altında keçiriləcək konfransın birinci günündə Qara və Aralıq dənizləri hövzələrində geoloji araşdırmalar, Qara dənizdə infrastrukturun inkişafı, logistika, Türkiyənin neft-qaz sektoruna investisiya yatırımları, 2020-ci ilədək investisiya planları müzakirə olunacaq. Konfransın ikinci günü «Regionda enerji təhlükəsizliyi: Geosiyasi perspektivlər», «Regionda təchizatın təhlükəsizliyi», «Türkiyə regionda aparıcı dövlət kimi: «Nabucco» kəmərinin gələcəyi», «Avropa İttifaqına qaz nəqli: alternativ marşrutlara tələbat», «Regional Əməkdaşlıq: Rusiya və Qazaxıstan», «Rusiya-Ukrayna qaz böhranından və Budapeşt Sammitindən sonra «Nabucco» layihəsi», «Regionda enerji təhlükəsizliyi: Avropaya enerji təchizatının müxtəlifliyi», Bakı-T iflis- Ərzurum təbii qazı boru kəməri, «Mavi Axın» layihəsi çərçivəsində Rusiya ilə əməkdaşlıq, regionda planlaşdırılan boru kəməri layihələri, Şərq-Qərb enerji dəhlizi, Transxəzər, Samsun-Ceyhan, Transadriatik kəmərləri və s. layihə və məsələlər müzakirə ediləcək.