Sənaye və energetika

Ana səhifə

Yaxın vaxtlarda Azərbaycanın qaz ehtiyatları artacaq

27 aprel 2009 10:48 (UTC +04:00)

Bakı. Nicat Mustafayev – APA-Economics. Yaxın zamanlarda Azərbaycanın qaz ehtiyatlarının 1,4 trln. kubmetr qədər artırılması mümkündür. «APA-Economics»in məlumatına görə, bunu Azərbaycan Respublikası Dövlət Neft Şirkətinin (ARDNŞ) birinci vitse-prezidenti Xoşbəxt Yusifzadə bəyan edən. ARDNŞ rəsmisi qeyd edib ki, hazırda ölkəmizin qaz ehtiyatları 1,3 trln. kubmetr təşkil edir.
Ehtiyatların artması yeni yataqların işlənməsi ilə əlaqələndirilir. X.Yusifzadənin sözlərinə görə, bu ildə «Ümid» yatağında işlərin başlanması nəzərdə tutulur, «Abşeron» yatağında işlər artıq aparılır, yaxın gələcəkdə isə bu proses «Məşəl», «Babək», «Naxçıvan» və bir sıra digər yataqları da əhatə edəcək.
Nəticədə, X.Yusifzadənin fikrincə, Azərbaycan regionda bütün qaz nəqli layihələrində iştirak etməyə imkan verəcək. Hazırda ölkənin əsas qaz yatağı olan və 1,2 trln. kubmetr qaz və 245 mln. ton kondensat ehtiyatlara malik olan «Şahdəniz» yatağından gündəlik qaz hasilatı 23 mln. kubmetr təşkil edir ki, burada hasilatın ümumi həcmi indiyədək 12 mlrd. kubmetrə çatıb. X.Yusifzadə qeyd edib ki, bunun 670 mln. kubmetri Gürcüstana, 7,5 mlrd. kubmetri isə Türkiyəyə nəql olunub.
Həmçinin X.Yusifzadə vurğulayıb ki, ümumilikdə, əgər 1998-ci ildə Azərbaycanın məcmu qaz hasilatı 5,5 mlrd. kubmetrə bərabər olubsa, 2008-ci ildə bu göstərici 23 mlrd. kubmetrə çatıb və 2015-ci ildə bunun 30 mlrd. kubmetrə çatacağı proqnozlaşdırılır.