Sənaye və energetika

Ana səhifə

Azərbaycan «Neft Daşları» yatağında hasilat obyektlərini elektrik enerjisi ilə dayanıqlı təmin etmək üçün yeni stansiya inşa edəcək

04 noyabr 2009 14:44 (UTC +04:00)

Bakı. Rəşad Süleymanov – APA-Economics. Xəzər dənizinin Azərbaycan milli sektorunda yerləşən «Neft Daşları» yatağında hasilat obyektlərini elektrik enerjisi ilə dayanıqlı təmin etmək üçün yeni Qaz Turbin Elektrik Stansiyasının tikintisi nəzərdə tutulub. Bu barədə «APA-Economics»ə ARDNŞ-dan məlumat verilib.

Bu məqsədlə layihə-smeta sənədləri hazırlanır. Eyni zamanda, stansiyanın tikintisi ilə bağlı texniki məsələlər həll edilir.

Qeyd edək ki, ARDNŞ-in qaz hasilatının yüksəldilməsinə yönəldilmiş xüsusi Qaz Proqramının bu ilki buraxılış obyektlərindən olan 2№-li Sıxıcı Kompressor Stansiyasının (SKS-2) genişləndirilməsi layihəsi çərçivəsində stansiyada qaz-turbin aqreqatlarının ümumi sayı 16-ya çatdırılıb. Yeni yaradılmış güclərin işini təmin etmək üçün xaricdən alınan 2 ədəd 1600 kVt gücündə transformator məntəqəsi quraşdırılıb, ümumu uzunluğu 10 km olan 2 yeni kabel xətti, həmçinin «Neft Daşları» NQÇİ-nin istismar etdiyi «Palçıq Pilpiləsi» yatağına dənizin dibi ilə 11 km uzunluğunda Finlandiya istehsalı olan sualtı kabel çəkilib.