Sənaye və energetika

Ana səhifə

Azərbaycan Dövlət Neft Şirkəti qaz təhvili proqnozlarını 13% artımla yerinə yetirib

04 dekabr 2010 10:19 (UTC +04:00)

ARDNŞ-dan «APA-Economics»ə verilən məlumata görə, ay ərzində yeraltı qaz anbarlarına 260,505 mln. kubmetr qaz vurulub, 4,559 mln. kubmetr götürülüb. Bununla da noyabr ayı ərzində 919,209 mln. kubmetr qaz istifadə olunub. Bu həcmdən sənaye, əhali və «Azərenerji» ASC-nin istifadəsinə 818,507 mln. kubmetr təbii qaz verilib, Gürcüstana 21,966 mln. kubmetr, Rusiyaya 60,797 mln. kubmetr qaz ixrac olunub və Naxçıvan MR-nın qaz təminatı üçün isə İrana 17,939 mln. kubmetr mavi yanacaq ötürülüb.

Cari ilin yanvar-noyabr aylarında ARDNŞ ölkənin yanacaq-enerji balansında təbii qazın təhvili üzrə nəzərdə tutulmuş öhdəlikləri artıqlaması ilə yerinə yetirib. Belə ki, 2010-cu ilin ilk 11 ayı ərzində ARDNŞ ölkənin təbii qaz təchizatı sisteminə 10 599,438 mln. kubmetr qaz verib, bu da proqnozdan 1 182,938 mln. kubmetr və ya 12,6% çoxdur.
Bundan başqa, ölkə sənayesinin, əhalinin təbii qazla tam təmin olunması və xaricə qazın ixracı ilə əlaqəli bağlanmış müqavilə öhdəliklərini yerinə yetirmək məqsədi ilə yeraltı qaz anbarlarından əlavə olaraq 643,239 mln. kubmetr mavi yanacaq götürülüb. Bununla yanaşı yeraltı qaz anbarlarına əlavə olaraq 1 901,003 mln. kubmetr qaz vurulub. Beləliklə, 2010-cu ilin yanvar-noyabr ayları ərzində 9 341,674 mln. kubmetr qaz istifadə olunub ki, bu həcmdən sənaye, əhali və «Azərenerji» ASC-nin istifadəsinə 7 990,165 mln. kubmetr təbii qaz verilib, Gürcüstana 300,430 mln. kubmetr, Rusiyaya 759,434 min kubmetr qaz ixrac olunub və Naxçıvan MR-nın qaz təminatı üçün isə İrana 291,645 min kubmetr mavi yanacaq ötürülüb.

Qeyd edək ki, ARDNŞ tərəfindən «Azəriqaz» İB-nin qaz-nəql sistemində və «Azneft» İB-nin Qaz anbarlarının istismarı İdarəsinin kompressor təsərrüfatında yerinə yetirilmiş texniki işlər nəticəsində qazvurma mövsümünün əvvəlindən cari ilin dekabrın 1-dək yeraltı qaz anbarlarında 3 027,842 mln. kubmetr qaz tədarük edilib.