Sənaye və energetika

Ana səhifə

“Günəşli” yatağında iki yeni quyunun qazma işləri başa çatıb

14 dekabr 2010 07:56 (UTC +04:00)

Bakı. Elnur Hüseynquluyev - APA-Economics. Azərbaycan Dövlət Neft Şirkətinin (ARDNŞ) Kompleks Qazma İşləri Trestinin “Bayıl Limanı” Dəniz Kəşfiyyat Qazma İşləri İdarəsi “Günəşli” yatağındakı 10-cu Dərin Dəniz Özülündə 50 saylı quyuda qazma işlərini başa çatdırıb.

ARDNŞ-dan «APA-Economics»ə verilən məlumata görə, “28 May” Neft və Qazçıxarma İdarəsinin sifarişi ilə Qirməkialtı Lay Dəstəsinə qazılmış quyunun layihə dərinliyi 3 550 metrdir. Quyu 3 525 metr dərinlikdən sutkada 120 min kubmetr qaz, 15 ton kondensat hasilatı ilə işləyir. Həmçinin “28 May” NQÇİ-yə təhvil verilmiş 69 nömrəli quyuda da işlər yekunlaşıb. Qala Lay Dəstəsinə qazılmış bu quyunun layihə dərinliyi 3 800 metr nəzərdə tutulub. Quyu 3 660 metr dərinlikdən sutkada 170 min kubmetr qaz və 26 ton kondensat hasilatı ilə mədənçilərə təhvil verilib.

Qeyd edək ki, “28 May” Neft Və Qazçıxarma İdarəsinin sifarişi ilə hər iki quyunun qazılmasına 2010-cu ilin martında başlanılıb.