Sənaye və energetika

«BP-Azerbaijan» Bakıda «Alıcı ilə tanış ol» sərgisi keçirib - FOTOSESSİYA

«BP-Azerbaijan» Bakıda «Alıcı ilə tanış ol» sərgisi keçirib - <font color=red>FOTOSESSİYA</font>

21 iyun 2011 09:42 (UTC +04:00)

Bakı. Nicat Mustafayev – APA-Economics. Bu gün Bakıda «BP-Azerbaijan» şirkətinin təşkilatçılığı ilə «Alıcı ilə tanış ol» mövzusunda sərgi keçirilib.

«APA-Economics»in məlumatına görə, bir gün davam edən tədbir «BP-Azerbaijan» və onun tərəfdaşlarının yerli şirkətlərin «BP-Azerbaijan»nın əməliyyatçısı olduğu layihələrdə iştirakını artırmaq öhdəliyinin bir hissəsidir.

Sərgi konkret olaraq yerli şirkətlərə öz məhsul və xidmətlərini potensial alıcılara təqdim etmək imkanı yaratmaq üçün nəzərdə tutulub. Tədbirdə 90-a yaxın yerli şirkət iştirak edib ki, onların hamısı biznes xidmətləri, əməliyyatlara dəstək, mühəndis-layihələşdirmə, tikinti, maddi-texniki tədarük, tullantıların idarə edilməsi və digər kateqoriyaları təmsil edən müəssisələrdir. Bütün bu şirkətlər «BP-Azerbaijan» və onun tərəfdaşlarının Sahibkarlığın İnkişafı və Təlim Proqramının (SİTP) iştirakçısı olan şirkətlərdir ki, bunlardan 17-si sözügedən Proqramı uğurla başa vurub. Bundan başqa, təxminən 50 şirkət və təşkilat bu sərgidə potensial alıcı kimi iştirak edib.

Sərginin açılış mərasimində çıxış edən BP-nin kontraktların icrası üzrə meneceri Pol Evans qeyd edib ki, bu, «BP-Azerbaijan» və onun tərəfdaşlarının regionda təşkil etdiyi ilk bu tipli sərgidir: «Əməliyyatlarımızda yerli şirkətlərin iştirakının artırılması bizim strateji məqsədimizdir. Bu məqsədə çatmaq üçün biz Azərbaycandakı şirkətlərə regionda çox mühüm neft-qaz işlənmələrinə dəstək olmaq üçün öz bizneslərini inkişaf etdirmək məqsədilə kömək edirik. Buna görə də 3 il bundan öncə SİTP də daxil olmaqla müxtəlif proqramlar təsis etmişik. İndiyədək bu proqramı 90-dək yerli şirkət başa vurub ki, onlardan 17-nin nəticələri daha uğurlu olub. Bunlar bizim şirkətlə ümumi dəyəri 65 mln. ABŞ dollarından artıq olan müqavilələr bağlayaraq yeni iş yerləri açmağa və səmayələr qoymağa nail olmuş şirkətlərdir ki, onlar hazırda BP-nin Azərbaycan və Gürcüstanda həyata keçirdiyi əməliyyatlarda podratçı kimi iştirak edir».

Qeyd edək ki, bu sərginin əsas məqsədi yerli şirkətlərin öz məhsul və xidmətlərini potensial alıcılara təqdim etməkdir.