Sənaye və energetika

Ana səhifə

Azərbaycanda kimya məhsullarının istehsalı üzrə göstəricilər açıqlanıb - CƏDVƏL

17 iyun 2025 16:02 (UTC +04:00)

Bu ilin yanvar-may aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 931 mln. manatlıq məhsul istehsal edilib.

Bu barədə “APA-Economics” Dövlət Statistika Komitəsinə istinadən xəbər verir.

Məlumata görə, əvvəlki ilin müvafiq dövrü ilə müqayisədə əczaçılıq məhsullarının istehsalı 84,9%, kimya sənayesi məhsullarının istehsalı 13,1%, rezin və plastik kütlə məmulatlarının istehsalı isə 4,7% artıb.

Kimya sənayesi məhsullarının istehsalının dinamikası:

Məlumata görə, kimya sənayesi məhsullarından lak-boya məmulatlarının istehsalı 15,2%, polietilen istehsalı 11,9%, etilen istehsalı 10,8%, karbamid istehsalı 2,7%, rezin və plastik kütlə məmulatlarından plastmas, çubuklar, millər və profillər istehsalı 41,2%, plastmas butulkalar, flakonlar və oxşar məmulatlar istehsalı 38,4%, sərt plastmasdan borular, borucuklar, qolçaqlar və şlanqlar istehsalı 3% artıb.

Qeyd olunur ki, hesabat dövründə ölkədə polietilendən kisə və çantalar istehsalı isə 29,1% azalıb.

Kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində istehsal edilmiş əsas məhsullar:

Məhsul növləri	2025-ci ilin yanvar-may aylarında istehsal edilmişdir	Əvvəlki ilin müvafiq dövrünə nisbətən, faizlə	01.06.2025-ci il vəziyyətinə hazır məhsul ehtiyatı
Kimya sənayesi məhsulları
Təsirsiz qazlar, min kub metr	18 913,3	107,3	20,5
ondan azot, min kub metr	10085,5	100,1	17,0
Lak-boya məmulatları, ton	13631,1	115,2	713,8
Qeyri-üzvi kimyəvi maddələr, ton	9160	70,8	6210,0
ondan yod, ton	79,6	96,4	23,2
Üzvi kimyəvi maddələr, min ton	366,6	96,1	43,7
ondan: etilen, min ton	67,6	110,8	1,5
propen (propilen), min ton	59,7	103,3	0,7
metanol (metil spirti), min ton	183,8	89,9	32,8
Etil spirti, min dkl	59,3	4,1 d.	74,2
Gübrə və azot birləşmələri, min ton	256	102,7	16,8
ondan karbamid, min ton	255,9	102,7	16,7
İlkin formada plastik kütlə, min ton	128,2	109,9	29,3
ondan polietilen, min ton	65	111,9	14,6
Yapışqan və yapışdırıcı maddələr, min ton	71,5	169,4	12,3