Bakı – APA-Economics. Azərbaycan Dövlət Neft Şirkətinin (ARDNŞ) Marketinq və iqtisadi əməliyyatlar İdarəsi 2012-ci ilin dekabr ayında Novorossiysk limanından (Qara dəniz, Rusiya) 167,003 min ton, Supsa limanından (Qara dəniz, Gürcüstan) 161,607 min ton, Ceyhan limanından (Aralıq dənizi, Türkiyə) 1 647,460 min ton xam neft ixrac edib.
ARDNŞ-dən «APA-Economics»ə verilən məlumata görə, ümumilikdə ötən il ərzində Novorossiysk limanından 2 064,0 min ton, Supsa limanından 2 742,367 min ton, Ceyhan limanından isə 20 199,660 min ton xam neft ixrac edilib.
Əvvəlki il ilə müqayisədə Novorossiysk limanından neft ixracı 0,6%, Supsa limanından 3,4% artıb, Ceyhan limanından isə neft ixracı 12,06% azalıb. ARDNŞ-in Marketinq və iqtisadi əməliyyatlar İdarəsi tərəfindən ixrac olunmuş xam neftin göstəriciləri həm Azərbaycan dövlətinə, həm də ARDNŞ-ə məxsus xam neft həcmlərini əks etdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
