Gürcüstan. Nizami Məmmədzadə - APA. Bu gün Gürcüstanın Kaxeti bölgəsindəki Kvareli rayonunun gürcülər yaşayan Kremi kəndinə təbii qaz verilib. APA-nın Gürcüstan bürosunun məlumatına görə, «SOCAR Georgia Gas» şirkətinin sərmayəsi ilə 700 ailənin yaşadığı Kremi kəndindəki 46 ailəyə ilk dəfə olaraq təbii qaz çəkilib. APA-nın məlumatına görə, daha 403 evə qaz xətlərinin çəkilməsi nəzərdə tutulub.
Qeyd edək ki, bu gün Kremi kəndinə qaz verilməsi tədbirinin açılışında Gürcüstanda səfərdə olan Azərbaycan Dövlət Neft Şirkətinin prezidenti Rövnəq Abdullayev və Gürcüstanın energetika və təbii ehtiyatlar naziri Kaxa Kaladze iştirak ediblər. Tədbirə həmçinin Azərbaycan və Gürcüstanın rəsmi şəxsləri, eyni zamanda Kaxetiya bölgəsinin rəhbərliyi də qatılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
