Bakı. Viktoriya Dementyeva – APA-Economics. Azərbaycan Dövlət Neft Şirkəti (ARDNŞ) Rumıniyada daha 3 qazdoldurma məntəqəsi açmağı, bununla da onların sayını 14-ə çatdırmağı planlaşdırır.
“APA-Economics”in xəbərinə görə, bunu mətbuatına açıqlamasında ARDNŞ-ın Rumıniyadakı nümayəndəsi Həmzə Kərimov bildirib.
Onun sözlərinə görə, yeni qazdoldurma məntəqələri ölkənin şimal-şərqində - Bakau, Foskani və Roman şəhərlərində yaradılacaq.
H.Kərimov qeyd edib ki, 2013-cü il ARDNŞ-ın Rumıniyaya investisiya ili olacaq.