Bakı. Aqşin Rafiqoğlu - APA-Economics. Bu ilin iyul ayında Azərbaycanın enerji sistemində 1,8 mlrd. kVt/saata yaxın elektrik enerjisi istehsal edilib.
“Azərenerji” ASC-dən “APA-Economics”ə verilən məlumata görə, bu, ötən ilin eyni dövrü ilə müqayisədə 5,9% çoxdur. Cari ilin iyun ayının göstəriciləri ilə müqayisədə isə bu rəqəm 20% artıb.
Bununla yanaşı, ay ərzində ölkə enerji sisteminin əlaqəsi olan qonşu dövlətlər ilə elektrik enerjisi mübadiləsi davam etdirilib.
Bu ilin yanvar-iyul ayları ərzində ölkədə 12,6 mlrd. kVt/saatdan artıq elektrik enerjisi istehsal edilib. Ötən ilin analoji dövrü ilə müqayisədə bu göstərici 10,5% artıb.