Bakı. Nicat Mustafayev – APA-Economics. Bu ilin yanvar-noyabr aylarında Azərbaycanda 1 820,4 mln. manatlıq neft məhsulları istehsal olunub. Dövlət Statistika Komitəsindən «APA-Economics»ə verilən məlumata görə, ötən ilin yanvar-noyabr aylarına nisbətən ölkədə istehsal olunmuş neft məhsullarının həcmi 3,9% azalıb.
Hesabat dövründə avtomobil benzinin istehsalı 0,6% artaraq 1 181,4 min tona, ağ neftin istehsalı 2,4% artaraq 579 min tona, neft bitumunun istehsalı isə 11,6% artaraq 269 min tona çatıb.
Bununla yanaşı, dizel yanacağının istehsalı 4,4% azalaraq 2 169,9 min ton, sürtgü yağlarının istehsalı 29,5% azalaraq 60,1 min ton, neft-kimya sənayesində istifadə üçün benzin istehsalı isə 30,2% azalaraq 136,1 min ton olub.
Qeyd edək ki, neft emalı müəssisələrinin anbarlarında 42,9 mln. manatlıq və ya ölkə sənayesi üzrə olan hazır məhsul ehtiyatının 15,6%-i qədər hazır məhsul qalıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
