Bakı – APA-Economics. Təmir işləri ilə əlaqədar olaraq yanvarın 16-17-də Yevlax-1, Yevlax-2, 28 May Aran, Ağdam Magistral Qaz Kəmərləri Sahəsinin bütün Qazpaylayıcı stansiyaları və Qaraməryəm ölçü qovşağında təbii qaz təchizatı dayandırılacaq.
«APA-Economics»in ARDNŞ-in «Azəriqaz» İstehsalat Birliyinə istinadən məlumatına görə, təmir işləri müddətində Goranboy, Naftalan, Ağcabədi, Beyləqan, Bərdə, Tərtər, Füzuli, Ağdam, Yevlax rayonları, eləcə də Göyçay rayonunun 6 kəndi və rayon mərkəzinin bir hissəsinə təbii qazın verilişində fasilələr yaranacaq.