Bakı. Fuad Cəfərov -APA. Bakıda əvvəllər məhkum olunmuş şəxsdən silah-sursat tapılıb. Bu barədə APA-ya Bakı Şəhər Baş Polis İdarəsindən bildirilib. Məlumata görə, Binəqədi Rayon Polis İdarəsinin 6-cı Polis Bölməsi əməkdaşlarının keçirdikləri əməliyyat tədbirləri nəticəsində Nizami Mahmudovdan, sandıqçasında 6 ədəd patronu olan «Valter» tapançası aşkar edilib. Nizami Mahmudovun əvvəllər məhkum olunduğu bildirilir.